Освоени две втори места на регионален натпревар во Тетово

Нашите ученици Кристијан Милошевски од III-1 и Илина Димитријевска од III-2 оваа година успешно  го претставија нашето училиште на регионалниот натпревар на електротехничките, машинските и сообраќајните училишта кој се одржа во ССОУ „Моша Пијаде“ во Тетово. Во овој регион се опфатени средните училишта од Скопје, Тетово и Гостивар. Ученикот Кристијан Милошевски се натпреваруваше со ученици од образовниот профил „Електротехничар за компјутерска техника и автоматика“ и го освои 2 место, додека Илина Димитријевска се натпреваруваше во образовниот профил „Електротехничар за електроника и телекомуникации“ и исто така го освои второто место. Тие на овој начин обезбедија учество на државниот натпревар кој оваа година ќе се организира во Кочани на 05.05.2017. Честитки до учениците и нивните ментори и многу успех на државниот натпревар.