Учениците, родителите и вработените во СОСУ „Илинден“ се приклучија во проектот „Со зеленило против загадувањето“ , којшто е во организација на Општина Илинден и ќе трае во текот на месец март. Во училишниот двор на средното училиште се засадија разни видови на дрвца како: туја смарагд, платани,буксуси, сливи, лешници и разни видови на сезонско цвеќе. Покрај тоа се кастреа и уредија постоечките дрвца и се исчисти училишниот двор. Со поддршката на овој проект и активното учество во креирањето и уредувањето на околината и на животната средина училиштето сака кај учениците, родителите и вработените да се поттикне љубов кон природата, да се развие свеста за разубавување на околината, да се развие чувство за одговорност и почитување на природата,т.е. за чување и одржување на животната средина, како и да се добие функционално уреден двор според сите еколошки параметри. Училиштето искажува голема благодарност до сите кои се вклучија во акцијата за разубавување на училишниот двор.
Comments are closed.