На ден 31.01.2020, на иницијатива на учениците од II-1, a во организација на СОСУ „Илинден“ за прв пат се одржа училишен натпревар во баскет помеѓу класовите.
Форматот на натпреварите беше 3х3 и натпреварите се играа на еден кош. Учествуваа 8 екипи кои беа поделени во две групи. Секоја од екипите изигра по 3 натпревари во кругот на својата група. Првите две екипи од двете групи поминаа понатаму во нокаут фаза, поточно во полуфинале.
Имаше навистина интересни и многу изедначени натпревари во двете групи, но само 4 екипи поминаа понатаму. Од првата група поминаа екипите на II-1 и IV-1, а од втората група екипите на III-1 и IV-2. Како екипи без пораз може да се издвојат екипите на II-1 и III-1. Во првото полуфинале силите ги одмерија екипите на IV-2 и II-1. Натпреварот заврши во полза на IV-2. Второто полуфинале беше натпревар помеѓу IV-1 и III-1, од кој како победници излегоа III-1. Во натпреварот за прво место, подобри беа III-1 и дома си отидоа со пехар и награда. Честитки за победниците, но се разбира честитки и за сите останати учесници, кои го сакаат и промовираат спортот и другарувањето.
Управата на училиштето им искажува благодарност на учесниците, на професорите по спорт Александра Јанев и Дејан Димитријевиќ, на учениците од новинарската секција и на нивниот професор-ментор Игор Атанасов.
Автор: Антонио Дамчевски
Comments are closed.