Вработените и учениците од СОСУ „Илинден“-Илинден и оваа година активно се вклучија во акцијата за засадување на садници во атарот на Ајватовци, организирана од Општина Илинден. Паралелно со засадувањето на садниците, се чистеше и природата од пластични шишиња и останати отпадоци. Целта беше да се раззелени и разубави нашата околина, но и да се допринесе за подобрување на квалитетот на воздухот во нашата општина, а учениците да се стекнат со навики за пошумување и грижа за околината.
Исто така и во училишниот двор се отстранија исушените дрвца и се засадија нови садници.
Управата на училиштето им се заблагодарува на сите учесници во акцијата.
Comments are closed.