На ден 13.05.2022, на иницијатива на учениците од IV-1, a во организација на СОСУ „Илинден“ по втор пат се одржа училишен натпревар во баскет помеѓу класовите.
Форматот на натпреварите беше 3х3 и натпреварите се играа на еден кош. Учествуваа 6 екипи кои се натпреваруваа во формат четвртфинале, полуфинале и финале, а поради недостиг на две екипи, две екипи директно поминаа во полуфинале. Натпреварите се играа до 16 поени амерички стил со излегување од линијата за 3 поени откако екипата во офанзива ќе промаши кош, а екипата во дефанзива фати скок. Откако едната екипа ќе поентираше тогаш поседување на топка имаше другата екипа, а после 5та направена лична грешка и за секоја наредна се изведуваше едно слободно фрлање.
Имаше навистина интересни и многу изедначени натпревари но само 3 екипи се закитија со медали. Првото место и припадна на екипата од II-1, второто место на екипата од IV-1, а третото место го освои екипата од III-2.
Честитки за победниците, но се разбира честитки и за сите останати учесници кои го сакаат и промовираат спортот и другарувањето.
Управата на училиштето искажува благодарност до професорот по спорт Александра Јанев за „Делењето на правдата“ на натпреварите , како и до професор Игор Атанасов и учениците од мултимедијалната секција.
Видео со најдобрите моменти од турнирот
Comments are closed.