ОДРЖАНО ПРЕДАВАЊЕ ОД ПРЕТСТАВНИЦИ НА ИТ ЛАБС

На 12.05.2023 во СОСУ „ИЛИНДЕН“ од страна на претставници на ИТ ЛАБС се одржа предавање за учениците од 3 и 4 година од квалификацијата Електротехничар за компјутерска техника и автоматика и е прва ваква соработка на оваа еминентна компанија од областа на ИТ-секторот со едно средно училиште. Покрај предавањето се договорија и други активности за продлабочување на идната соработка (можност за стипендирање на најдобрите ученици, летна пракса за нашите ученици во компанијата каде во реални услови ќе можат да се видат активностите на вработените и начинот на кој функционира една ваква компанија, но и директно да се учествува во процесот на изработка на софтвер, софтверски алатки и останати сервиси).