Учениците на СОСУ „Илинден“ ја посетија компанијата HiTech

Учениците на СОСУ „Илинден“ на ден 18.10.2017 година во присуство на наставниците Игор Атанасов, Ирена Петрушева, Слободан Таневски и Кирил Крстевски ја посетија компанијата HiTech како дел од посетите на компании кои се организирани по предметите Практична настава. Претставник од компанијата заедно со дел од вработените ги упатија учениците во основните правила на однесување и безбедносни мерки кои ги превземаат вработените пред изведување на некоја работа, се со цел да го заштитат своето здравје како и својата лична безбедност. Потоа се упатија кон погоните во фабриката каде учениците беа запознаени со работата и функцијата на истите.
HiTech компанијата претставува производител на плочки со печатени кола која е специјализирана за брза изработка и достава на прототипи и мали серии од цврсти, флексибилни и комбинирани цврсти-флексибилни повеќеслојни плочки со печатени кола со до 36 слоја. Компанијата започнала во 1981 година како мала фамилијарна компанија за производство на плочки со печатени кола за локалната индустрија. Денес таа претставува успешен бизнис која соработува со европскиот и америчкиот пазар, а нивните производи се користат во автомобилската, телекомуникациската, енергетската и медицинската индустрија.